Xitoyning xiti Braziliyada — Geely EX2 Paranada konveyerga chiqdi

Geely endi Braziliyada, Parana shtatidagi Ayrton Senna majmuasida Renault Geely do Brasil qoʻshma korxonasi orqali EX2 elektr xetchbekini ishlab chiqarmoqda.

Geely Braziliyada EX2 elektr xetchbekining seriyali ishlab chiqarishini boshladi. Xitoyda Xingyuan nomi bilan sotiladigan model endi Parana shtatining Ayrton Senna majmuasida Renault Geely do Brasil qoʻshma korxonasi tomonidan yigʻilmoqda.

Geely uchun bu mamlakatda mahalliy ishlab chiqarilayotgan ikkinchi model — gibrid krossover EX5 EM-i'dan keyin. EX2 2025 yil noyabrda Braziliya bozoriga chiqqan edi, talab oʻsishi esa kompaniyani modelni import yangiligi maqomidan mahalliy yigʻishga koʻchirishga undadi. Bu qadam Xitoydan keladigan yetkazib berishlarga bogʻliqlikni kamaytiradi va brendning Lotin Amerikasining eng yirik avtomobil bozoridagi koʻrinishini kuchaytiradi.

Xitoyda avtomobil allaqachon yetakchi kichik elektromobillardan biri sifatida tan olingan. 2025 yilda chakana savdo 465 775 dona, 2026 yil mayda esa model 38 751 dona bilan Tesla Model Y'ni ortda qoldirib, yengil avtomobillar reytingida birinchi oʻrinni egalladi. Xitoyda yangilangan versiya cheklangan muddatli boshlangʻich narxni — 61 800 yuan (taxminan 9 100 dollar) — oldi.

Geely Braziliyada nafaqat ishlab chiqarish bazasini, balki brend tanilishini ham qurmoqda. Aprel oyida brend mamlakatning eng kop koʻriladigan teleshoularidan biri — Big Brother Brasil'ning rasmiy avtomobil homiysi sifatida shartnoma imzolagan birinchi xitoy avtobrendi boʻldi.

Bundan oldin Minskdagi Motor Show 2025 xalqaro avtoko'rgazmasida Belarus yigʻuvidagi yangi elektr Geely EX2 taqdim etilgan edi. BelGee vakillarining maʼlumotiga koʻra, modelning mahalliy bozordagi boshlangʻich narxi 44 900 BYN'ni tashkil etadi. Sotuv allaqachon boshlangan.