Nom kimniki? Jeepdagi Cherokee emblemasi yana nishonga olindi

© jeep.com

Jeep Grand Cherokee yana o‘z nomi tufayli bahs markazida qoldi. University of Miami huquq professori J. Janewa Osei-Tutu avtomobil brendingida Cherokee nomidan foydalanishni madaniy o‘zlashtirish sifatida qarash mumkin deb hisoblaydi.

Huquqshunos AQShning intellektual mulk bo‘yicha federal qoidalarini o‘zgartirishni va shunday deb atalmish «madaniy shaxsiyat» uchun qo‘shimcha himoya yaratishni taklif qiladi. Bunday yondashuvda kompaniyalar qabilalar va boshqa madaniy guruhlarning nomlaridan faqat tegishli jamoalarning ruxsati bilan foydalanishi mumkin bo‘lardi.

Jeep Cherokee nomini o‘z modellar qatorida 1970-yillardan beri qo‘llab keladi. Grand Cherokee Amerika bozorida brendning asosiy va eng ko‘p sotiladigan modellaridan biri bo‘lib qolmoqda.

Agar bunday g‘oya bir kun qonunga aylansa, avtoishlab chiqaruvchilar va boshqa kompaniyalar etnik, tarixiy yoki madaniy guruhlar bilan bog‘liq nomlarga ancha ehtiyotkorona yondashishlariga to‘g‘ri kelardi.